O Foro de Deseño FEED 2021 presenta un programa de obradoiros e conferencias dirixido a estudantes, docentes e profesionais do deseño.
O FEED é un evento bianual orzanizado pola DAG, Asociación Galega de Deseño. O obxectivo principal do FEED é establecer un espazo para profesionais e estudantes de deseño onde compartir experiencias e propiciar a reflexión e o debate dentro da profesión. Hoxe, é xa un evento de referencia no noroeste da península para todas as persoas e axentes económicos e culturais con interese nos valores innovadores do deseño.
O FEED 2021 acolle a profesionais do deseño dixital, do deseño gráfico e a comunicación visual, do deseño de produto e de espazos, do deseño de experiencias e do deseño estratéxico e accesible.
Na xornada de mañá contaremos coa participación de Elio Salichs, do estudio Twopoints, que impartirá un obradoiro sobre sistemas visuais flexibles. En paralelo, Ricardo Tayar, fundador de Flat 101, compartirá a súa experiencia e coñecementos sobre como os datos poden axudar a deseñar produtos e servizos dixitais.
A xornada de tarde inclúe un completo programa de conferencias con profesionais de recoñecido prestixio en distintas disciplinas do deseño. Contaremos con Laurent Ogel, que falara sobre deseño e accesibilidade, Júlia Esqué, que compartirá os seus procesos de experimentación e traballo cos materiais, e Laura Hernández, deseñadora de realidades virtuais e inmersivas. Tras un breve descanso, retomaremos as presentacións con Ana Moliz, que falará de tipografía e publicacións independentes, Pablo Honey, que compartirá con nós o valor do que el mesmo denomina artesania dixital, e Verónica Fuerte, fundadora do estudio barcelonés Hey.
+ Info: https://dag.gal/feed2021/